Jackie 走了

Jackie 係上星期四, 7月3日走了.

From my FB.
16 年了。 多謝你毫無保留既愛，令我地一家過左十幾年好快樂日子。 今個傍晚，我同爹oh 會帶你遠離病痛， 您要大聲吠出自己大名， 徐Jackie, 大哥哥比比會接你， 小黑會繼續俾你蝦， 你會再變返當年美麗又任性既Jackie 妹。我同爹oh 唔忍心你越黎越辛苦， 不停食藥打針，連企都企唔到。 我地要你帶住尊嚴離開。
Jackie 情況係36 小時內急速變壞， 多謝而16 年愛過佢既朋友， 狗地。 佢會快樂地係彩虹橋等我地， 我家狗地亦會好似當年錦迎接佢。 多謝Dr Tiger, 大圍所有員工， 佢地永遠都係我最需要幫忙時刻協助我。 多謝Silvia你對Jackie 無微照顧， Jackie 好喜歡你而位契媽媽呢。
雖然係好痛好痛， 但係大家唔駛擔心我地， 因為我地仲要照顧傻小白， 比比小黑Jackie 您地要祝福小白呀， 佢除左傻， 係好依靠你地 要係彩虹橋祝福佢呀

 Jackie 係我地， Dr Tiger 同 Ronnie 哥哥陪同下， 下午五點多走了。 Jackie 有比比照顧， 有小黑俾佢蝦， 我都放心多了。 唯一後悔係， 我應該琴日就俾Jackie 情況未太差時離開。 一日間Jackie 已發展到有敗血病， 好辛苦。 相處了16 年， 有時真係要相信自己直覺。 將來， 我地就會係埋一齊。 多謝晒各位問候， 幸有Dr Tiger 為我地做左好多年生命教育準備， 面對3 個愛犬離去， 我已經可以坦然面對多了。 現在， 最重要既係小白。 小白因為比比小黑一年前離去而患既情緒病， 其實至今仍未好。 今次Jackie 走左， 佢已經開始周圍揾Jackie 妹。 狗地始終唔明白一齊生活十幾年既兄弟點解唔見了。 我地同Dr Tiger 已經傾左應變方法， 希望我地會過到而關。真係好感謝Dr Tiger, 佢明天last day , 會返英國老家放summer, 佢好擔心小白， 仲叫我地有事好聯絡在英既佢。。。。無事架， 小白， 你13 歲啦， 要大個仔啦。萬大事都有我地呀。