29 Nov 2013
多謝一班朋友同我慶祝生日.
去左食跑馬地彭慶記.
佢間野好細, 一向難book,
一食完, 佢就被選為米芝蓮一星,
d野食的確係有水準有誠意,
好食.
一定再幫親.
2014年5月6日 星期二
2014年4月30日 星期三
還好 有您---文記
23 Nov 2013
聽左好耐, 九龍城文記d牛肉好食,
終於, 去買黎試下.
其實, 我成日經果頭,
就係每次經過都無買.
一試, 難忘.
雖然, 未有方榮記d手切肥牛禁好食,
(得承認, 方榮記有起有落, 水準真係得彩數)
但係,
暫時黎講,
真係無人可及.
好好味,
有牛味,
有texture,
最重要係厚薄適中.
九龍城d花甲公亦非常好食.
2014年4月23日 星期三
令人震驚的ABC Cooking Studio
22 Nov 2013
事隔都差不多半年, 講真, 而家諗返仍然覺得好不可思議.
之前都聽過ABC係日本大名, 之後係fb睇到佢黎香港,講到好勁錦....
佢offer左d trying session, 250一堂, 覺得都ok, 就同朋友去試下.
位置K11, 個樣好正錦, 但係, 其實入面d野好亂.....
亂, 我本身唔介意. 你有料到, 我就mer都ok.
因為我本身唔鍾意麵包, 所以報左料理course.
一去到, 已經無mer人理我地,
hea左一陣, 有個staff黎話佢未食飯云云, 叫我地等等....
well, 有d唔pro.
個女仔, 我比盡佢20歲.
當我friend錦講野,
由果一刻開始, 我已經驚, 佢得唔得架....
情況一如所料, 係唔得既,
仲要唔得得令人非常震驚果種.
我諗, ABC 而間野, 只係適合果d, 見到魚, 見到肉, 離開10尺都會尖叫既妹妹仔.
handout menu fancy 但唔實用.
妹妹仔tutor 無料到, 我十歲時廚藝都好過佢.
最難頂係d所謂料理.......
拿, 個setting 好似係俾你自己做錦.
但係, 只係俾你好求其整兩刀...
煮都係妹妹煮多.
佢一開始煮, 我已經震驚都無影相...
個漢堡係一d味都無.
佢煮個brown sauce時, 我想一手推開佢, 等我黎把喇.
但係, 最令人 drop mouth, 都係個onion soup.
我至今仍然諗返都唔明....
個onion soup既煮法係,
1杯清水, 兩tablespoon雞粉 (無錯, 係雞粉)
半個onion, 無炒香,
滾幾滾, 落蛋花....
(我仲記得, 佢話打蛋花有特別手勢云云....)
令我諗起, Form One上Home Economics時, 亞miss 要我地用刀背打蛋....
一早已經放棄左既我,
都忍唔住問, 就錦就得?
大家都想像到個湯係完全無味,
有d洗碗水feel.
相比之下, 個漢堡叫做有d d味, 未去到打人既地步.但係, 都算係近年難食代表作之一.
我地同班仲有2個同學仔,
本來大家唔識.
但係, 上完後, 大家都忍不住分享震驚心情....
食完後,
tutor妹妹黎sell 我地ABC D course.
原來, 佢地無得單讀學其中一款.
要join長course, 一個月學幾款, 一join就十幾堂錦.
唔平架, 幾千到幾萬.
真係顛鬼左囉.
我真係完全唔明, 有無人會join呢...
香港大把而d野學喇, 你憑mer呀?
聽聞麵包course好d,
但係, 料理course真係一pat野錦,
得啖笑.
上完. 完全係震驚mode.
同朋友去食返d正常既野,
傾下點解ABC禁好笑.
天下之大, 無其不有.
ABC 令人大開眼介.
2014年4月16日 星期三
永遠的 林振強
16 Nov 2013
人生第一次買黃牛, 就奉獻左俾林振強.
仲要顛到, 俾人禁住搶, 個價一日一日錦高
(初初傾好, 之後多人要加價, 而個演唱會d飛無公開發售, 無法...)
我都超型錦講,
幾多我都要~
細個睇牛仔之外(我諗都要有返禁上下先知漫畫牛仔)
就係睇洋葱頭.
亞媽係fans, 我都跟住睇.
自細家中睇明報,
每日, 就係睇林振強大.
讀書時, 浸淫係林振強歌詞中,
強說愁, 隱約地聽說愛情是甚麼, 會問天究竟有幾高.
三人行, 當天那真我, 究竟天有幾高, 愛是永恆, 真情流露, 傻女...
陪左我行好多既路.
有d人, 可能從來不認識,
但係,
影響你好深.
多謝你, 林振強.
而個係我近年睇最精彩既演唱會, 當然有偏心. 但係, no nonsense, 氣氛好, 歌精, 歌手精彩, 好睇到不得了.
愛是永恆當所愛是你!
2014年4月15日 星期二
訂閱：
文章 (Atom)